GETA – Samtök

GETA – Samtök eru félagasamtök sem vinna að jákvæðu fjölmenningarlegu samfélagi. Í samtarfi við menningarstofnanir og sveitarfélög á Höfuðborgarsvæðinu standa samtökin fyrir fjölbreyttum viðburðum, listasmiðjum og hátíðum sem hafa að markmiði að stuðla að inngildingu, virðingu og jafnrétti óháð uppruna.

Hluti af starfssemi GETU er að bjóða upp á félagsstarf sem er sérstaklega ætlað til að styrkja og valdefla flóttafólk og umsækjendur um alþjóðlega vernd. Með reglulegum samverustundum er leitast við að rjúfa félagslega einangrun flóttafólks, efla getu þeirra og virkni.

GETA – Samtök hafa verið starfandi síðan í apríl 2022. Þau eru rekin án fjárhagslegs ávinnings og eru opin öllum óháð bakgrunni, trú eða þjóðerni.

Meðal samstarfsaðila eru Menningarhúsin í Kópavogi, Hafnarborg, Bókasafn Hafnarfjarðar, Ástjarnarkirkja og Vinnumálastofnun.